ಬಾಗಿಲನು ತೆರೆದು | Baagilanu teredu Lyrics

ಚಿತ್ರ: ಭಕ್ತ ಕನಕದಾಸ

ಬಾಗಿಲನು ತೆರೆದು ಸೇವೆಯನು ಕೊಡೊ ಹರಿಯೇ

ಕೂಗಿದರೂ ಧ್ವನಿ ಕೇಳಲಿಲ್ಲವೇ ನರಹರಿಯೆ  

ಬಾಗಿಲನು ತೆರೆದು

♫♫♫♫♫♫♫♫♫♫♫

ಪರಮಪದದೊಳಗೆ ವಿಶಧರನ ತಲ್ಪದಲಿ ನೀ

ಸಿರಿಸಹಿತ ಕ್ಷೀರ ವಾರಿಧಿಯೊಳಿರಲು…..

ಕರಿರಾಜ ಕಷ್ಟದಲಿ ಆದಿಮೂಲ ಎಂದು

ಕರೆಯಲಾಕ್ಷಣ ಬಂದು ಒದಗಿದೆಯೊ ನರಹರಿಯೆ

ಬಾಗಿಲನು ತೆರೆದು

♫♫♫♫♫♫♫♫♫♫♫

ಕಡುಕೋಪದಿಂ ಖಳನು ಖಡ್ಗವನೇ ಪಿಡಿದು

ನಿನ್ನೊಡೆಯ ಎಲ್ಲಿಹನು ಎಂದು ನುಡಿಯೆ

ದ್ರುಡಭಕುತಿಯಲಿ ಶಿಶುವು ಬಿಡದೆ ನಿನ್ನನು ಭಜಿಸೆ

ಸಡಗರದಿ ಸ್ತಂಭದಿಂದೊಡೆದೆ ನರಹರಿಯೆ 

ಬಾಗಿಲನು ತೆರೆದು

♫♫♫♫♫♫♫♫♫♫♫

ಯಮಸುತನ ರಾಣಿಗೆ ಅಕ್ಷಯ ವಸನವ ಇಟ್ಟೆ

ಸಮಯದಲಿ ಅಜಮಿಳನ ಪೊರೆದೆ……

ಸಮಯಾಸಮಯವುಂಟೆ ಭಕ್ತವತ್ಸಲ ನಿನಗೆ

ಕಮಲಾಕ್ಷ ಕಾಗಿನೆಲೆಯಾದಿ ಕೇಶವನೇ

ಬಾಗಿಲನು ತೆರೆದು

ಬಾಗಿಲನು ತೆರೆದು  

ಬಾಗಿಲನು ತೆರೆದು

ಸೇವೆಯನು ಕೊಡೊ ಹರಿಯೇ